வர்க்கம் (எளிமையாக) - 1

வர்க்கம் என்றால் ஒரு எண்ணை அதே எண்ணால் பெருக்குவது ஆகும்.  உதாரணமாக 4 என்ற எண்ணின் வர்க்கம் 4x4 =16, 5 என்ற எண்ணின் வர்க்கம் 5x5=25, 6 என்ற எண்ணின் வர்க்கம் 6x6=36..... சிறிய எண்களின் வர்க்கம் எளிமையாக கண்டுபிடிக்கலாம்.  94, 95, 96 போன்ற எண்களுக்கு வர்க்கமூலம் கண்டுபிடிக்க வேண்டும் என்றால் நமக்கு ஒரு தாள் மற்றும் பேனா தேவை;  அல்லது கால்குலேட்டர் தேவை.  இது இரண்டும் இல்லாமல் இந்த எண்களின் வர்க்கம் காண்பது எப்படி என்று இன்று காண்போம்.
94ன் வர்க்கம் கண்டுபிடிப்பது எப்படி?
1)  முதலில் 94 என்பது 100ல் இருந்து எவ்வளவு குறைவாக உள்ளது என கண்டுபிடிக்க வேண்டும்.   ( அதாவது 94 என்பது 100ல் இருந்து 6 குறைவாக உள்ளது )
2) அடுத்து 94 ல் இருந்து இந்த 6 ஐக் கழிக்க வேண்டும்.  ( 94 - 6 = 88 )
3)  பிறகு கழித்த எண்ணுக்குப் பிறகு இரண்டு இலக்கங்களைச் சேர்க்க வேண்டும் (அதாவது 100ல் இரண்டு பூஜ்ஜிங்கள் உள்ளது.  எனவே இரண்டு இலக்கங்களைச் சேர்க்க வேண்டும்)
4)  அந்த இரண்டு எண்களைக் கண்டுபிடிக்க... முதல் படியில் கண்டுபிடித்தோம் அல்லவா... அதாவது 100ல் இருந்து எவ்வளவு குறைவு என்று... அதன் வர்க்கம் காணவேண்டும்.  ( அதாவது 94 என்பது 100ல் இருந்து 6 குறைவாக உள்ளது.  அந்த 6ன் வர்க்கம் காணவேண்டும்.  அதாவது  6x6 = 36)
5)  இப்போது நாம் முதலில் கண்டுபிடித்த (இரண்டாவது படியில்) 88க்குப் பிறகு இந்த 36ஐ சேர்க்கவேண்டும் (8836).  94ன் வர்க்கம் 8836.
அவ்வளவுதான்.......
94x94 = 8836
95x95=9025
96x96=9216
97x97=9409
98x98=9604
99x99=9801
சோதித்துப் பாருங்க‌ளேன்... சரியாக இருக்கும்...
மறக்காமல் உங்களுடைய விமர்சனங்களை எழுதுங்கள்.  அது வலைப்பூவை மேம்படுத்த உதவும்.
மீண்டும் அடுத்த வலைப்பூவில் சந்திப்போம்.